Дүрiн көрсем бiреудiң‚
болсам дағы iзгi адам‚
жүзi жасып жiгердiң‚
о масқара… қызғанам.
Жәнә терең ойламай‚
зауық қашып‚ күш кемiп‚
көрмедiм деп мен қалай‚
жатып алам тiстенiп.
Сосын… Орнап жанға әлек‚
таппай тыным талай түн‚
сондай асыл бар ма деп‚
жан-жағыма қараймын.
Ақырында нәсiл бар
түсiрмеген торына‚
жарқылдаған асылдар
түседi кеп қолыма!
Заматында ол жүз жанып‚
шұғыласын бiр үзбейдi.
Оны көрген… қызғанып‚
соны сырттан iздейдi.
Тапса ол да‚ — басқа адам
қызғанады. Қызғаныш
бiр қиырға бастаған
жұртты салмақ iзге алыс.
Қара бұған шошынбай‚
бос жүргенше жүз налып‚
өтсем болды осындай
қызғанышты… қызғанып.
1977 жыл